راچڵەكین-
سەندیكای كارمەندانی تەندروستی لەشاری سلێمانی، دوا مۆڵەتیان دا بەحكومەتی هەرێمی كوردستان تا داواكاریەكانیان جێبەجێ بكات.
ئەمڕۆ شەممە 13-6-2020 هاوژین عوسمان، سەرۆكی لقی سلێمانی سەندیكای كارمەندانی تەندروستی لەكۆنگرەیەكی رۆژنامەوانیدا ئاماژەی بەوەكرد ئەگەر بێتو لەماوەی 48 كاتكۆكی داهاتوودا حكومەت وەڵامی داواكاریەكانیان نەداتەوەو مووچە دابەش نەكات، ئەوا هەڵوێستی تریان دەبێت و مانگرتنی سەرتاسەری رادەگەیەنن.
ئەوەش لەكاتێكدا دێت، بەیانی ئەمڕۆ بەشێك لەكارمەندانی تەندروستی لەنەخۆشخانەكانی ناوشاری سلێمانی مانگرتنیان راگەیاند و داوای پێدانی مووچەكانیان دەكەن.