ئیبراهیم خەلیل؛ پێنج بازرگانی ماددەی هۆشبەر دەستگیركران

راچڵەكین-

ئاسایشی كۆمەڵگەی سنووری ئیبراھیم خەلیل دەستگیر كردنی پێنج كەسی بە تۆمەتی بازرگانی كردن بە ماددەی هۆشبەر راگەیاند.

عەبدولوھاب محەمەد عیسا، بەڕێوەبەری ئاسایشی ئیبراهیم خەلیل، ئەمڕۆ شەممە 15-2-2020 رایگەیاند،  ئەو ئوپەراسیونە بەھاوكاری لەگەل ئاسایشی دھۆك بەپلانێكی توكمە لەدھوك ئەنجامدراوە و توانراوە پێنج كەس دەستگیر بكرێت.

بە وتەی ئەو بەرپرسەی ئاسایشی ئیبراهیم خەلیل، تۆمەتباران بری ٣٠ كیلۆگرام ماددەی ھۆشبەریان لە جۆری ھێڕویین پێگیراوە.

عەبدولوھاب محەمەد راشیگەیاندووە، دەستگیركراوان سێیان خەڵكی ناوچەكە و دوو كەسیشیان لە دانیشتوانی كەمپی مەخمورن.