راچڵەكین-

لەیەكێك لەدەروازە سنورییەكانی نێوان عیراق و ئێران، گەشتیارێك دەستگیركرا كە نزیكەی 5 هەزار حەبی هۆشبەری لە " كۆسەرە"یەكدا شاردبوەوە.

ئەمڕۆ هەینی 18 ی نیسانی 2025، دەستەی دەروازە سنوورییەكانی عیراق لە راگەیەندراوێكدا ئاماژەی بەوەكردووە، ئەو گەشتیارە لە دەروازەی سنووری شەملاچە لە نێوان پارێزگای بەسرە و پارێزگای خوزستانی كۆماری ئیسلامیی ئێران، دەستگیركراوە.  
 
وەك لەراگەیەندراوەكەدا هاتووە، ئەو گەشتیارە بیانییە و چوار هەزار و 575 حەبی هۆشبەری لە ئامێری كۆسەرەدا شاردووەتەوە بۆ ئەوەی دزەی پێ بكات بۆ ناو خاكی عیراق.

لەكۆتایی راگەیەندراوەكەدا هاتووە، پەڕاوی لێكۆڵینەوە بۆ تۆمەتبارەكە كراوەتەوەو رەوانەی بەڕێوەبەرایەتی ماددە هۆشبەرەكان كراوە لەبەسڕە.