راچڵەكین-
نزیكەی 750 ملیۆن دیناری بەڕێوەبەرایەتییەكە دیار نەماوە و گومان دەكرێت كارمەندێكی بەشی ژمێریاری پارەكەی بردبێت.
ئەمڕۆ یەكشەممە 13ی نیسانی 2025 حەسەن كەلكانی بەڕێوەبەری هاتوچۆی راپەڕین بە كوردسات نیوزی راگەیاندووە:"گوماندەكرێت كارمەندێكی بەشی ژمێریاریی پارەكەی بردبێت و هەڵاتبێت، بەڵام هێشتا دڵنیا نین و ئەوە تەنها گومانە."
وتیشی:"لیژنەیەكی لێكۆڵینەوەمان پێكهێناوە بۆ بەدواداچوون لەسەر ئەم روداوە، بەڵام تاوەكو ئێستا دیار نییە كە ئاخۆ ئەو كارمەندەی هاتوچۆ ئەو پارەیەی بردووە یاخود نا".