ڕاچڵەکین سپۆرت -

 

ڕۆژنامەنووسی ئیسپانی تۆماس ڕۆنسیرۆ کە بە توندڕەوی بۆ یانەی ڕیاڵ مەدرید ناسراوە، دوای بردنەوەی بەرشەلۆنە بە ئەنجامی 1-0 لە ئەتلەتیکۆ مەدرید لە یاریی گەڕانەوەی قۆناغی پێش کۆتایی جامی شای ئیسپانی کە گەیشتە یاریی کۆتایی و لەم مانگەدا یاریی کلاسیکۆ دەکرێت و یەکێکیان دەبێتە پاڵەوان.

ڕۆنسێرۆ لە ڕادیۆی کادینا سێر دەرکەوت و ڕایگەیاند، بارسێلۆنا لەگەڵ فلیک باشترین وەشانی بارسایە کە لە ماوەی 10 ساڵدا بینیومە، گەورەترین تەحەدای ڕیال مەدرید ئەوەیە لە یاری کۆتایی جامی شای ئیسپانیا لێی بباتەوە، ئەگەر ئەوە ڕووبدات ئەوە دەستکەوتێکی گەورەتر دەبێت لە هەموو شتێک.

بەناوبانگترین ڕۆژنامەنووسی مەدرید ئاماژەی بەوەشکرد، بێگومان یارییەکە ئاسان نابێت، بەڵام من ویستم بەرشەلۆنە سەربکەوێت بۆ یاری کۆتایی، هەروەها ناتوانین یاری کۆتایی دیکەی نێوان هەردوو یانە لە چامپیۆنزلیگ بەدوور بگرین.

تۆماس ڕوونیشیکردەوە، سێ دۆڕانی ڕیال مەدرید لەم وەرزەدا بەرامبەر بەرشەلۆنە (یاریی دۆستانەی پێش وەرز، یاری چوونی لالیگا، و یاری کۆتایی جامی سوپەری ئیسپانیا) هیچ مانایەکی نییە، بەڵام یاریی کۆتایی جامی شای ئیسپانیا گرنگی خۆی هەیە.

لەکۆتاییدا ڕۆنسێرۆ ڕایگەیاند، ئێستا گرنگترین یارییمان بەرامبەر بەرشەلۆنە هەیە، ئەمە ئەو شوێنەیە کە ڕیال مەدریدی سەرکەوتنی تێدا بەدەست دەهێنێت، چونکە میرێنگێ پیاوی یارییە کۆتاییەکانە.