راچڵەكین -
لەچوارچێوەی جێبەجێكردنەوەی رێككەوتنەكەی نێوانیان، هێزەكانی سووریای دیموكرات و حكومەتی سووریا لە شاری حەلەب، بەندكراوەكانی یەكتریان ئازادكرد، كە ژمارەیان نزیكەی 250 كەس دەبێت.
میدیای فەرمیی سووریا بڵاویكردەوە، ئەمڕۆ پێنجشەممە پرۆسەی ئاڵوگۆڕكردنی بەندكراوانی نێوان هەسەدەو حكومەتی دیمەشق لەشاری حەلەب دەستی پێكرد، كە ژمارەی بەندراوە ئازادكراوەكانی هەردوولا نزیكەی 250 كەس دەبێت.
ئاڵوگۆڕكردنی بەندراوەكان لەچوارچێوەی ئەو رێككەوتنە دێت كە رۆژی سێشەممە لەنێوان ئەنجومەنی هەردوو گەڕەكی كوردنشینی حەلەب (شێخ مەقسودو ئەشرەفیە) لەگەڵ دەسەڵاتدارانی سووریا واژۆكرا، كە لە 14 خاڵ پێكدێت و ئامانج لێی پتەكردنی پێكەوەژیانی هاوبەش و پاراستنی دانیشتوانی ئەو دوو گەڕەكە كوردییە و رێگریكردنە لە دیاردەی چەكداری و رێكخستنی ئاسایشی ناوخۆ.