راچڵەكین-

دەیان هاوڵاتی فەڵەستینی دانیشتووی غەززە، دژی بەردەوامبوونی سیاسەتەكانی بزووتنەوەی حەماس، خۆپیشاندانیان ئەنجامدا.

ماوەی دوو هەفتەیە دانیشتووانی ناڕازی دژی ئەو بارودۆخ و نەهامەتییەی بەهۆی شەڕی نێوان بزووتنەوەی حەماس و سوپای ئیسرائیل رووبەڕووی بوونەتەوە، گردبوونەوەی ناڕەزایەتی دژی بزووتنەوەكە ئەنجامدەدەن و لەهەندێك لە دروشمەكانیاندا داوا دەكەن حەماس لەكەرتی غەززە بچێتە دەرەوەو دەستبەرداری سیاسەتەكانی ببێت كە بەووتەی خۆیان بەهۆیەوە " ژیانیان داناوە و لەناوچوون."

بەگوێرەی ئەو ئامارە نافەرمیانەی بڵاوكراوەنەتەوە، جەنگی غەزە لە نێوان سوپای ئیسرائیل و بزووتنەوەی حەماس تائێستا كوژرانی زیاتر لە 50 هەزار فەڵەستینی لەكەرتی غەززە لێكەوتووەتەوە، جگە لەبریندار بوونی زیاتر لە 112 هەزار كەسی دیكە، ئەوە سەرباری داڕمانی ژێرخانی كەرتی غەززە كە بەدەگمەن باڵەخانەیەك یان خانووەیەك دەبینرێت، خاپور نەبووبێت.