راچڵەكین-
هەردوو وەزارەتی كارەبا و وەزارەتی سامانە سروشتییەكان رایدەگەیەنن، بە مەبەستی ئامادەكاری بۆ هاتنی وەزی هاوینی ئەمساڵ، كۆمپانیای (دانا غاز) هەڵدەستێت بە ئەنجامدانی پڕۆسەی سازدانەوە و چاكسازی لە كێڵگەی كۆڕمۆر.
ئەمڕۆ پێنجشەممە 3ی نیسانی 2025 هەردوو وەزارەتی كارەبا و وەزارەتی سامانە سروشتییەكان راگەیەندراوێكی هاوبەشیان بڵاوكردووەتەوەو تیایدا ئاماژە بەوەكراوە: بە مەبەستی ئامادەكاری بۆ هاتنی وەزی هاوینی ئەمساڵ، كۆمپانیای (دانا غاز) هەڵدەستێت بە ئەنجامدانی پڕۆسەی سازدانەوە و چاكسازی لە كێڵگەی كۆڕمۆر. ئەم پرۆسەیە لە كاتژمێر 12ـی ئەمشەوەوە دەستپێدەكات و سێ هەفتە دەخایەنێت."
"هەریەك لە وەزارەتی كارەبا، وەزارەتی سامانە سروشتیەكان و كۆمپانیای (دانا غاز) هەماهەنگی نزیكیان دەبێت بۆ ئەوەی پڕۆسەكە بەشێوەیەكی سەركەوتوو ئەنجام بدرێت."
لەكۆتایی راگەیەندراوەكەدا هاتووە:" چاوەڕواندەكرێت لەڕێگەی ئەنجامدانی ئەم پڕۆسەیە ی ئاستی خزمەتگوزاری كارەبا لە وەرزی هاویندا بەشێوەیەكی بەرچاو بەرزبێتەوە."