راچڵەكین- 

كۆمانیای دانەغاز و كرێسێنت پێترۆلیۆم رایدەگەیەنن، تائێستا زیاتر لە 3.5 ملیار دۆلار وەبەرهێنانیان كردووە لە هەرێمی كوردستان.
 
ئەمڕۆ پێنجشەممە 3ی نیسانی 2025 كۆمانیای دانەغاز و كرێسێنت پێترۆلیۆم  لەراگەیەندراوێكدا ئاماژەیان بەوەكردووە، لە سەرەتای مانگی ئاداری ئەم ساڵەوە، ئاستی بەرهەمهێنانی غازی سرووشتییان لە كێڵگەی كۆرمۆر بەرزكردووەتەوە بۆ 525 ملیۆن پێی سێجا، ئەوەش بەراورد بە ساڵی 2017 بە رێژەی 75٪ بەرزبووەتەوە. 

ئەو دوو كۆمپانیایە دەڵێن، رۆژانە 1070 تۆن غازی شلی (ئێڵ پی جی) بەرهەمدەهێنن.

وەك لەراگەیەندراوەكەدا هاتووە، تائێستا زیاتر لە 3.5 ملیار دۆلار وەبەرهێنانیان كردووە لە هەرێمی كوردستان كە بووەتە هۆكاری رەخساندنی 20 هەزار هەلی كاری راستەوخۆ و ناڕاستەوخۆ.
 
دانەغاز و كرێسێنت پێترۆلیۆم كە كۆنسێرتیۆمی پێرڵ پێترۆلیۆم پێكدەهێنن، لە ساڵی 2008ـەوە لە كێڵگەی كۆرمۆر لە هەرێمی كوردستان غاز بەرهەم دەهێنن.