راچڵەكین-
لەكاتی نمایشێكی سێركدا لەوڵاتی میسر، پڵنگێك لەناكاو پەلاماری كارمەندێكی سێركەكەی داو بەسەختی برینداری كرد
نمایشەكە لە شاری تەنتا-ی میسر بەڕێوەچووە، وەك لەتۆمارە ڤیدیۆییەكاندا دەردەكەوێت، پڵنگەكە لەناكاو پەلاماری ئەو كارمەندە دەدات و بەقەپ قۆڵی دەگرێت، دواتر لەژێر فشارو هەوڵدانی ئامادەبوونی ناو هۆڵەكە، پڵنگەكەی لێ دوور دەخرێتەوە.
راهێنەری ئەو پڵنگە دەڵێت لەكاتی نمایشەكەدا، ئەو كارمەندە لەدەرەوەی شورای نمایشەكە دەستی بردووەتە ژوورەوە ئەوەش پڵنگەكەی توڕە كردووەو پەلاماری داوە.
دوای رووداوەكەش، كارمەندەكە كە لەسییەكانی تەمەنیدایە رەوانەی نەخۆشخانە كراوە بۆ چارەسەركردن.