راچڵەكین -

ئەمڕۆ سێشەممە، لەشاری دهۆك بە بەشداریی هەزاران كەس، رێوڕەسمێك بەبۆنەی جەژنی سەری ساڵی نوێی بابلی - ئاشووری ناسراو بە (ئەكیتۆ) بەڕێوەچوو.

رێوڕەسمەكە لە بەردەم سەنتەری رۆشنبیری ئاشووری لەسەنتەری شاری دهۆك دەستی پێكرد و تێیدا كریستیانەكان بە جلوبەرگی كەلەپورییەوە بەشدارییان تێدا كرد.

جەژنی ئەكیتۆ، كە بەلای كلدانەكانەوە جەژنێكی نەتەوەییە و ماوەی 12 رۆژ دەخایەنێت، مێژووەكەی بۆ 5300 ساڵ بەر لە زایین دەگەڕێتەوە.