راچڵەكین -
لەكاتی سەردانێكی محەمەد شیاع سودانی سەرۆكوەزیرانی عیراق بۆ پارێزگای واست، یەكێك لە ئۆتۆمبێلەكانی كاروانەكەی دووچاری رووداوی هاتووچۆ بوو، بەهۆیەوە پاسەوانێكی گیانی لەدەستدا و سێ كەسی دیكەش بریندار بوون.
میدیاكانی عیراق بڵاویانكردەوە، ئەمڕۆ دووشەممە بەبۆنەی جەژەنی رەمەزان، محەمەد شیاع سودانی، سەردانی پارێزگای واست-ی كرد، لەكاتی تێپەڕبوونی كاروانی ئۆتۆمبێلەكانی لەسنووری ناحیەی شێخ سەعد-ی سەر بە شاری كوت، یەكێك لە ئۆتۆمبێلەكان وەرگەڕا و بەهۆیەوە پاسەوانێكی سودانی گیانی لەدەستدا و سێ پاسەوانی دیكەش بریندار بوون، كە برینی یەكێكیان سەختە.
بەگوێرەی گرتەیەكی ڤیدیۆیی كە لە تۆڕە كۆمەڵایەتییەكان بڵاوكراوەتەوە، ئەو ئۆتۆمبێلەی كاروانی ئۆتۆمبێلەكانی سەرۆكوەزیرانی عیراق، لە ڕێڕەوی خۆی لایداوەو وەرگەڕاوەو زیانێكی زۆریشی پێگەیشتووە.