راچڵەكین-
وەزیری دادی عیراق لەبارەی كێشەی مووچەی فەرمانبەرانی هەرێم لەنێوان هەولێرو بەغدا، دەڵێت، كێشەكە لەبنەڕەتەوە چارەسەربووەو هیچ گرفتێكی سیاسیی و یاسایی لەبەردەمدا نەماوە.
ئەمڕۆ دووشەممە 31ی ئاداری 2025 خالد شوانی رایگەیاند:" پێویستە حكومەتی هەرێمی كوردستان خۆی لەگەڵ رێنمایی و میكانیزمەكانی حكومەتی فیدراڵی بگونجێنێت بۆ ئەوەی مووچە دوانەكەوێت."
وتیشی:"كۆمەڵێك یاسا هەیە كە مووچەی فەرمانبەرانی هەرێمی خستووەتە سەر رێچكەی خۆی وەك یاسای بودجە، بڕیارەكانی دادگای فیدراڵی و ئەو رێكەوتن و لێكتێگەیشتنانەی لەنێوان هەولێرو بەغداد هەیە."
وەزیری دادە عیراق ئەوەی روونكردەوە:" ئەو كێشانە كە هەن كێشەی تەكنیكین نەك سیاسی و پەیوەندی بەخۆ گونجاندنی هەرێم هەیە لەگەڵ ئەو رێنماییانەی لەلایەن بەغداوە دەردەچن."