راچڵەكین-
ئەندامێكی شاندی دانوستانكاری پارتی دەڵێت، دوای جەژن لەگەڵ شاندی یەكێتی كۆدەبنەوەو گفتوگۆ لەبارەی پۆستەكانی حكومەتی داهاتوو دەكەن.
پشتیوان سادق، ئەندامی مەكتەبی سیاسی پارتی و ئەندامی شاندی دانوستانكاری پارتی بۆ پێكھێنانی كابینەی نوێی حكوومەت لەگەڵ لایەنەكانی كوردستان، رایگەیاند:" ڕێككەوتنی سیاسی باش لەگەڵ یەكێتی و لایەنەكان ئەنجام دراوە، ڕاستەوخۆ دوای جەژن گفتوگۆ لەبارەی دابەشكردنی پۆستەكان دەكرێت."
وتیشی:" ئومێد دەكرێت بە ئەرێنی ئیش و كارەكانی پێكھێنانی كابینەی نوێی حكوومەت بەڕێوەبچێت، پارتی و یەكێتی بەشێوەی سەرەكی و لایەنە سیاسییەكانی دیكەش بەشداریی پێكھێنانی حكوومەت دەكەن."