راچڵەكین -

لەشاری هەولێر دوو تۆمەتبار بەبڕی زیاتر لە یەك كیلۆگرام ماددەی هۆشبەرەوە دەستگیركران كە سەرقاڵی بڵاوكردنەوەی ماددە هۆشبەرەكان بوون.

بەڕێوەبەرایەتی نەهێشتنی ماددە هۆشبەرەكان لە راگەیەندراوێكدا بڵاویكردەوە، دوای وەرگرتنی بڕیاری دادوەری لێكۆڵینەوەی ئاسایش، رووداوەكە رۆژی 28ی ئەم مانگە تیمەكانیان لەناو شاری هەولێر دوو تۆمەتباریان دەستگیركرد، كە كاری كڕین و فرۆشتن و بڵاوكردنەوەی ماددەی هۆشبەریان دەكرد.

بەپێی راگەیەندراوەكە، جگە لە دەستگیركردنی دوو تۆمەتبارەكە، بڕی زیاتر لە یەك كیلۆگرام ماددەی هۆشبەر لەجۆری ماریجوانا دەستی بەسەردا گیرا.

لەئێستادا هەردوو تۆمەتبارە دەستگیركراوەكە، بەپێی یاسای بەرەنگاربوونەوەی ماددە هۆشبەرەكان و كارتێكەرە ئەقڵییەكان، مامەڵەیان لەگەڵدا دەكرێت.