راچڵەكین- 

باڵیۆزخانەی ئەمریكا لە سوریا هۆشداری بەو هاوڵاتییە ئەمریكیانە دەدات كەلەسوریان، بەزووترین كات ئەو وڵاتە جێبهێڵن.

بەیانی ئەمڕۆ شەممە 29ی ئاداری 2025 باڵیۆزخانەی ئەمریكا لەسوریا لەراگەیەندراوێكدا هۆشداری بەهاوڵاتیانی ئەمریكی داوە سەردانی ئەو وڵاتە نەكەن، هەروەك داوای لەو ئەمریكیانە كردووە كەلەسوریان، بەپەلە ئەو وڵاتە جێبهیڵن.

لەبەشێكی تری راگەیەندراوەكەی باڵیۆزخانەی ئەمریكادا هاتووە، ئەگەری هەیە لەرۆژانی جەژندا باڵیۆزخانەكان، رێكخراوە نێودەوڵەتییەكان و دامەزراوە حكومییەكان لە دیمەشق، ببنە ئامانجی هێرشی چەكداری.

باڵیۆزخانەی ئەمریكا دەڵێت، پێویستە ئەو هاوڵاتییە ئەمریكیانەی ئێستا لەسوریان، لەشوێنە جەنجەاڵەكان دووربكەونەوە چونكە مەترسی رفاندن، تیرۆركردن و ئەنجامدانی هێرشی چەكداری بۆسەریان هەیە.