راچڵەكین-

سوپای ئەمریكا لەڕێی زنجیرە هێرشێكی ئاسمانی  نزیكەی 100 پێگەی حوسییەكانیان لەیەمەن كردە ئامانج.

سەرچاوەكانی هەواڵ بڵاویانكردووەتەوە، شەوی رابردوو تا بەرەبەیانی ئەمڕۆ سوپای ئەمریكا 40 هێرشی بۆسەر 100 پێگەی حوسییەكان لەپارێزگاكانی سەنعا- سەعدە- حەدیدە- جەوف و عومران، ئەنجامداوە.

هاوكات كۆشكی سپی لەراگەیەندراوێكدا ئاماژەی بەوەكردووە، دەرئەنجامی هێرشەكان زۆر باش و سەركەوتوو بوون.

لەبەشێكی تری راگەیەندراوەكەدا هاتووە، ئەو ئامانجانەی هێرشیان كراوەتە سەر پێكهاتوون لە مۆڵگەی سەركردە سەرەكییەكانی حووسییەكان، سیستەمی بەرگریی ئاسمانی، ناوەندەكانی فەرماندەیی و كۆنترۆڵ، بارەگاكان و دامەزراوەكانی دروستكردن و هەڵگرتنی چەك.