راچڵەكین-
لەئاكامی بۆردومانكردنی كەمپی جەبالیا لەكەرتی غەززە لەلایەن سوپای ئیسرائیل، وتەبێژی بزووتنەوەی حەماس، كوژرا.
میدیای بزوتنەوەكە بڵاویكردووەتەوە، بەرەبەیانی ئەمڕۆ پێنجشەممە 27ی ئاداری 2025 لەئاكامی بۆردومانكردی كەمپی جەبالیا لەباكوری غەززە، عبدوللەتیف قانوع وتەبێژی بزوتنەوەكە كوژراوە.
ئەوەش روونكراوەتەوە، قانوع لە نێو خێمەكەی خۆی لە كامپی ئاوارەكان كراوەتە ئامانج، هەر لەو بۆردومانەدا شەش كەسی دیكەش كوژراون و چەندین كەس تریش برینداربوون.
بەگوێرەی ئامارێكی بزووتنەوەی حەماس، لەدوای دەستپێكردنی هێرشی ئیسرائیل بۆسەر غەززە لە 2023 ەوە تائێستا 11 ئەندامی مەكتەبی سیاسی لە كۆی 20 ئەندام كوژراون.