راچڵەكین-

دۆناڵد ترەمپ-ی سەرۆكی ئەمریكا دەڵێت، پێویستە هەریەك لە نووسینگەی لێكۆڵینەوەی فیدراڵی FBI، وەزارەتی دادو جۆبایدن-ی سەرۆكی پێشووی ئەو وڵاتە، هەست بەشەرمەزاری بكەن لەبارەی ئەو تۆمەتانەی ئاڕاستەیان كردبوو بە " دەستوەردانی رووسیا" لەهەڵمەتەكانی ترەمپ بۆ بانگەشەی هەڵبژاردنی سەرۆكایەتی ساڵی 2016.

كۆشكی سپی ئەمریكا لەراگەیەندراوێكدا ئاماژەی بەوەكردووە، دۆناڵد ترەمپ، واژووی لەسەر یاداشتنامەیەك كردووە بۆ بڵاوكردنەوەی دۆسێكانی لێكۆڵینەوەی FBI لەبارەی هەڵبژاردنەكانی 2016.

ساڵی 2017 رۆبەرت مۆلەر، وەك داواكاری گشتی ئەركی لێكۆڵینەوەی لەو دەنگۆیانە پێ سپێردرا كە باسیان لەوەدەكرد، رووسیا لەهەڵمەتەكانی بانگەشەی هەڵبژاردنی سەرۆكایەتی ئەمریكا بۆ ساڵی 2016 لەبەرژەوەندی ترەمپ دەستوەردانی كردووە.

دوای دووساڵ لەلێكۆڵینەوەو بەداوداچوون، هیچ بەڵگەیەك دەست نەكەوت كە راستی ئەو گومانانە بسەلمێنن، هەربۆیە دۆسێكە داخرا.