راچڵەكین-
بزووتنەوەی فەتح داوای لە بزووتنەوەی حەماس دەكات چەك دابنێت بەتایبەت كەلەئێستادا هاوڵاتیانی ئەو كەرتەو ناوچەكانی ژێر دەسەڵاتی حەماس خۆپیشاندان دژی ئەو بزووتنەوەیە دەكەن داوای لێدەكەن لەكەرتی غەززە بچێتە دەرەوە.
ڕۆژی سێشەممە، لە ناڕەزایەتییەكی جەماوەری لە بەیت لاهیا لە باكووری كەرتی غەززە خۆپیشاندانیان كرد، بۆ فشارخستنە سەر حەماس بۆ دەستبەرداربوونی كەرتی غەززە و كۆتایی هێنان بە شەڕ.
ماهر نەمورە، وتەبێژی فەتح رایگەیاندووە، ئەو ناڕەزایەتیانەی لە غەززە سەریان هەڵداوە، دەرئەنجامی دەسەڵاتی خراپی دەیان ساڵەی حەماسە لە كەرتی غەززە، هەروەها بەرهەمی گۆشەگیری و سەركوتكردن و هەراسانكردنی هاووڵاتیانە.
نەمورە داوای لە حەماس كرد "گوێ لە دەنگی گەلی فەڵەستین لە غەززە و ئازارەكانیان بگرێت، هەروەها ڕێگە بە دەسەڵاتی فەڵەستین بدات كە دەسەڵاتی دادوەری بەسەر كەرتی غەززەدا هەیە، ڕۆڵی خۆی لە ساڕێژكردنی برینەكانی گەلەكە و ئاوەدانكردنەوەی كەرتی غەززە و ڕووبەڕووبوونەوەی پڕۆژەكانی ئاوارەبوون و دیپۆرتكردنەوە بەجێبهێنێت".