كوپێك قاوه
ڕاچڵه‌كین-
كه‌ی قاوه بخورێته‌وه؟ هه‌ندێك ئاره‌زوو ده‌كه‌ن به‌یانیان و به‌شێكی دیكه ئێواران ئاره‌زووی خواردنه‌وه‌ی قاوه ده‌كه‌ن هه‌ندێكی دیكه‌ش كاتی كاركردن به باشترین ده‌زانن.
قاوه یه‌كێكه له‌و خواردنه‌وانه‌ی ته‌ركیز زیاد ده‌كات و ووزه به له‌ش ده‌به‌خشێت و یارمه‌تی سوتانی چه‌وری ده‌دات و مرۆڤ به ئاگا ده‌كات، گۆڤاری "سۆهۆ" ی چینی له‌ڕێی ڕاپۆرتێكه‌وه باشترین كاتی بۆ خواردنه‌وه‌ی قاوه له زاری توێژه‌ره‌وه‌كانه‌وه باس كردوه.
له ڕاپۆرته‌كه‌دا هاتووه"باشترین كات بۆ خواردنه‌وه‌ی كوپێك قاوه كاتژمێر 9-11 ی به‌یانیه چونكه له‌م كاته‌دا له‌ش كه‌مترین بڕی هۆرمۆنی كۆرتیزۆل ده‌رده‌دات و هه‌ست به ماندوێتی ده‌كات به‌ڵام خواردنه‌وه‌ی قاوه له‌م كاته‌دا ئارامی به جه‌سته و مێشك ده‌به‌خشێت."
دوای هه‌ستان له خه‌و به‌یانیان له‌ش گرفتی كه‌می شله‌مه‌نی هه‌یه و نابێت قاوه بخورێته‌وه چونكه قاوه میزپێكه‌ره و جگه له‌وه‌ش زیان به دیواری گه‌ده ده‌گه‌یه‌نێت و توشی ئازاری گه‌ده‌ت ده‌كات.