راچڵەكین -
كەشناسیی هەرێم پێشبینی دەكات پلەكانی گەرما نزمتر ببنەوەو لەكاتەكانی بەرەبەیانی سبەینێشدا تێكەڵەی نمەباران و بەفر لە سەنتەری شاری سلێمانی دەبارێت.
بەڕێوەبەرایەتیی كەشناسیی هەرێم بڵاویكردەوە، ئەمشەو ئاسمانی هەرێم نیمچە هەور و لەناوچە شاخاوییەكانیش هەوری تەواو دەبێت، لەگەڵ بارینی بەفر لە سەرجەم ناوچە شاخاوییە سنورییەكان.
ئاماژەی بەوەشكردووە، لە كاتەكانی بەرەبەیاندا ئەگەری بارینی تێكەڵەی نمەباران و بەفر لە سەنتەری شاری سلێمانی هەیە، لەگەڵ بارینی كەمێك نمەباران لە هەندێك لە ناوچەكانی گەرمیان، پلەكانی گەرماش نزمتر دەبنەوە بەبەراورد لەگەڵ پلەكانی گەرمای ئەمڕۆ.