ڕاچڵەکین سپۆرت -

 

ڕۆژنامەی ئاسی ئیسپانی ئاشکرایکرد کە هاندەرانی تورکیا زۆر لە کارلۆ ئەنجیلۆتی ڕاهێنەری یانەی ریال مەدرید توڕەن بەهۆی ئەوەی لە یارییەکەی شاهانەکان بەرامبەر مان سیتی ئاردا گولەری نەخستۆتە نێو یاریگاوە.

تورکەکان بە هیوای ئەوە بوون گولەر لە یارییەکەی بەرامبەر سیتی ببینن، کە ئێوارەی دوێنێ چوارشەممە لە یاریگای سانتیاگۆ بێرنابیۆ ڕیال بە ئەنجامی 3-1 بردێوە، لە یاریی گەڕانەوەی قۆناغی پلەی ئۆفی چامپیۆنزلیگ.

ئەنچیلۆتی لە یارییەکەدا تەنانەت بۆ یەک خولەکیش گولەری نەخستە نێو یاریگاوە، سەرەڕای ئەوەی لۆس بلانکۆس زاڵ بوو بەسەر یارییەکەدا و زوو شتەکانی یەکلاییکردەوە، و بە سێ گۆڵ لە پێش ستیزین بوو.

لە خولەکی 83دا کارلۆ چوامینی دانیشاند و مۆدریچی خستە نێو یاریگاوە، ئەمەش بە پێچەوانەی ئەوەی هاندەرانی تورکیا چاوەڕێیان دەکر، هەروەها هاندەرانی تورکیا توڕەن، چونکە ڕاهێنەرەکە پشتگوێی خستووە کە هەلێکی نوێ بە گەوهەرە تورکییەکە بدات.

تورکەکان پێیان وابوو کە ئەنچیلۆتی لە ڕاستیدا گولەر وەک یاریزانی یەدەگ دەهێنێتە ناو یاریگا، هەروەها شایەنی ئەوەیە چەند خولەکێک بەدەست بهێنێت، بەتایبەتی بە لەبەرچاوگرتنی بارودۆخی یارییەکە و ناوەڕۆکەکە، بەڵام کارلێتۆ سەرەتا مۆدریچی پێ باشتر بوو، دواتر ئەندریک فیلیپی وەک یاریزانی یەدەگ بێتە نێو یاریگا.

وێنەی ئاردا کە بە دڵتەنگیەوە سەیری دەرگای ئەندریکی بۆ ناو بێرنابیۆ دەکات، هاندەرانی تورکیای ناڕەحەت کرد، ئەوانیش دەستیان کرد بە باوەڕکردن بەوەی کە یاریزانەکە پێویستە جانتاکانی کۆبکاتەوە و تیپی شاهانە بەجێبهێڵێت و بچێتە تیپێکی تر کە ئەو خولەکانەی پێدەبەخشێت کە دەیەوێت.