راچڵەكین -
وەزارەتی خوێندنی باڵاو توێژینەوەی زانستی ژمارەیەك رێكار بۆ ئەنجامدانی پرۆسەی تاوتوێكردنی ماستەرنامەو تێزی دكتۆرا دەردەكات و بڕیار دەدات لەمەودوا پرۆسەكە بە شێوەی داخراو ئەنجام بدرێت.
لە فەرمانێكی وەزاریدا كە ئەمڕۆ پێنجشەممە، بە واژۆی د. ئارام محەمەد قادر، وەزیری خوێندنی باڵا و توێژینەوەی زانستی دەرچووە، تێیدا هاتوە، وەزارەتی خوێندنی باڵا ژمارەیەك رێكار بۆ ئەنجامدانی پرۆسەی تاوتوێكردنی ماستەرنامە و تێزی دكتۆرا لە زانكۆكانی هەرێمی كوردستان دەردەكات.
ناوەڕۆكی فەرمانە وەزارییەكە، ژمارەیەك رێكار لە خۆدەگرێت و لە یەكێك لە خاڵەكان ئاماژە دەدات كە لەمەودوا پرۆسەی تاوتوێكردنی ماستەرنامە و تێزی دكتۆرا بە شێوەی داخراو لە سەرجەم زانكۆكانی هەرێمی كوردستان ئەنجامدەدرێت.
فەرمانە وەزارییەكە ئاڕاستەی سەرجەم زانكۆكانی هەرێمی كوردستان كراوە بەمەبەستی جێبەجێكردنی لە ڕێكەوتی دەرچوونییەوە.
دەقی فەرمانە وەزارییەكە:
