راچڵەكین-

بەڕێوەبەرایەتی كەشناسی و بومەلەرزە زانی هەرێمی كوردستان پێشبینییەكانی بۆ كەشوهەوای 48 كاتژمێری داهاتووی ناوچە جیاجیاكانی بڵاوكردەوە.

بەگوێرەی پێشبینییەكان بێت، ئەمڕۆ پێنجشەممە  20- 02 - 2025 ئاسمان هەوری باراناوی دەبێت بەدرێژایی كاتەكاندا لەگەڵ بەفربارین لەناوچە شاخاوییەكان زیاتر لەناوچە سنوورییەكاندا. پلەكانی گەرما بەرێژەیەكی بەرچاو ( 4-6  ) نزم  دەبێتەوە بەراوورد بە تۆماركراوەكانی دوێنێ .

هەر بەگوێرەی پێشبینییەكان، سبەی هەیینی  21- 02 - 2025  ئاسمان هەور دەبێت لەگەڵ بەفربارین لەزۆربەی ناوچە شاخاوییە بەرزەكاندا وە نمەباران لەناوچە جیاجیاكاندا , پاشان لەكاتەكانی دوای نیوەرۆ كاریگەری دابارین لاواز دەبێت تەنها ناوچە شاخاوییە سنوورییەكان نەبێ كاریگەری بەلاوازی بەردەوامی دەمینێتەوە بۆ بەیانی رۆژی شەممە . پلەكانی گەرما  بەگشتی نزم دەبێتەوە بە 2-1  پلە وە لەناوچەكانی رۆژهەڵاتی هەرێم بەتایبەتی ناوچە سنوورییەكان زیاتر بە ( 4-5  ) پلە دادەبەزێت بەراوورد بە تۆماركراوەكانی ئەمرۆ .

بەرزترین پلەكانی گەرمای پێشبینیكراو بە پلەی سیلیزی :
هەولێر     : 10 پلەی سیلیزی
سلێمانی  : 7 پلەی سیلیزی
دهۆك     : 7پلەی سیلیزی
كەركوك  :12  پلەی سیلیزی
زاخۆ      :  8پلەی سیلیزی
هەڵەبجە : 6  پلەی سیلیزی
حاجی ئۆمەران  : -4  پلەی سیلیزی
سۆران   : 5 پلەی سیلیزی
گەرمیان  : 12پلەی سیلیزی