راچڵەكین-

ناوەندی نێودەوڵەتی دارایی لە سلێمانی، كەلەلایەن بانكی ناوەندیی عیراق مۆڵەتی فەرمی وەرگرتووە، دەكرێتەوە.

پاشنیوەڕۆی ئەمڕۆ پێنجشەممە 20-2-2025 بە ئامادەبوونی پارێزگاری بانكی ناوەندی عیراق، ناوەندی نێودەوڵەتی بازرگانی دارایی لە سلێمانی دەكرێتەوە.

د. نەرمین مەعروف، ئەندامی لیژنەی دارایی لە ئەنجومەنی نوێنەرانی عیراق رایگەیاند :" لقی بەشێك لە بانكەكان لەو سەنتەردا دەكرێتەوە هەموو جۆر مامەڵەیەكی دراوی تیادا ئەنجامدەدرێت هاوشێوەی بازاڕی دراوەكەی سلێمانی."

د. نەرمین مەعروف ئەوەی روونكردەوە:"لەو سەنتەرە لقی بانكەكانی رەشید و رافیدەین ناكرێتەوە، هەرچەندە ئەوان زۆریش هەوڵیانداوە ئەو دوو بانكەش لقەكانیان بكەنەوە، بەڵام تاوەكو ئێستا حكومەتی هەرێم موڵەتی پێنەداون بۆ كردنەوەی لقەكانیان." وەك كوردسات نیوز بڵاویكردووەتەوە.