راچڵەكین-

بەڕێوەبەرایەتی كەشناسی و بومەلەرزە زانی هەرێمی كوردستان پێشبینییەكانی بۆ كەشوهەوای 48 كاتژمێری داهاتووی ناوچە جیاجیاكانی بڵاوكردەوە.

بەگوێرەی پێشبینییەكان بێت، ئەمڕۆ چوارشەممە  19- 02 - 2025 ئاسمان نیمچە هەوردەبێت، لە ئێوارەدا  دەگۆڕێت بۆ هەوری تەواو، لەگەڵ دەستپێكردنی باران بارین سەرەتا لە سنووری ڕۆژ ئاوای هەرێم و سنووری پارێزگای دهۆك و بەشیك لە ناوچە شاخاوییە سنوورییەكان لە شەو درەنگدا كەمێك بەفر دەبارێت . پلەكانی گەرماكەمێك نزم  دەبێتەوە بەراوورد بە تۆماركراوەكانی دوێنێ .

هەر بەگوێرەی پێشبینییەكان، سبەی پێنجشەممە  20- 02 - 2025  ئاسمان هەورو باراناوی دەبێت،  ئەم شەپۆلی بارانبارینە سەرجەم ناوچەكەمان دەگرێتەوە  هەروەها لە ناوچە سنوورییەكان بەفر دەبارێت، سەرەتا دابارین  بەشێوە پچر پچر دەبێت، لە شەودا هێز و تاوی باران زیاد دەكات بۆ بارانی مامناوەند و لە ناوچە شاخاوییەكان بۆ  لێزمە بارانی بەردەوام ,لەگەڵ زیاد بوونی خێرای با. پلەكانی گەرما نزم دەبێتەوە بە  4-2  پلە بەراوورد بە تۆماركراوەكانی ئەمرۆ .

بەرزترین پلەكانی گەرمای پێشبینیكراو بە پلەی سیلیزی :
هەولێر     : 11 پلەی سیلیزی
سلێمانی  : 9پلەی سیلیزی
دهۆك     : 7پلەی سیلیزی
كەركوك  :14 پلەی سیلیزی
زاخۆ      :   8پلەی سیلیزی
هەڵەبجە : 7  پلەی سیلیزی
حاجی ئۆمەران  : 6  پلەی سیلیزی
سۆران   :  13 پلەی سیلیزی
گەرمیان  : 14پلەی سیلیزی