راچڵەکین-

بوومەلەرزەیەک لە پارێزگای فارس لە بەشی باشووری رۆژئاوای ئێران بە گوڕی 4.1 پلەی رێختەر روویدا.

بە گوێرەی میدیا ئێرانییەکان، ئەمڕۆ یەکشەممە کاتژمێر 11:14 خولەکی پێشنیوەڕۆ، بوومەلەرزەیەک لە پارێزگای کۆهگیلۆیە و بۆیەرئەحمەد لە باشووری رۆژئاوای ئێران بە گوڕی 4.5 پلەی رێختەر روویدا.

هاوکات لە شاری کارزرون لە پارێزگای فارس بوومەلەرزەیەک بە گوڕی 4.1 پلەی رێختەر روویداوە و بوومەلەرزەکە لە هەریەک لە پارێزگاکانی فارس و بوشێهریش هەستی پێکراوە.

عەلیڕەزا نیکروز، بەڕێوەبەری کۆنترۆڵی قەیرانی پارێزگای کۆهگیلۆیە و بۆیەرئەحمەد رایگەیاند، تیمی پشکنین و فریاکەوتنیان بۆ شوێنی بوومەلەرزەکە رەوانە کردووە بۆ ئەوەی قەبارەی زیانەکان دەستنیشان بکەن.

هـ . یـ