راچڵەكین -

مەكتەبی سیاسی یەكێتیی نیشتمانیی كوردستان لەشاری سلێمانی كۆبووەوەو چەند تەوەرێكی گرنگ لەسەر كۆبوونەوەكانی پێكهێنانی حكومەتی هەرێم تاوتوێ كران.

میدیاكانی نزیك لە یەكێتی بڵاویانكردەوە، لە كۆبوونەوەكەی مەكتەبی سیاسی یەكێتیی نیشتمانیی كوردستاندا كە لە سلێمانی بەڕێوەچوو، بابەتی كۆبوونەوەكانی رابردووی نێوان یەكێتی و پارتی بۆ پێكهێنانی كابینەی نوێی حكومەتی هەرێم تاوتوێكران.

لە بەشێكی دیكەی كۆبوونەوەكە، گفتوگۆكراوە لەبارەی كۆبوونەوەی حكومەتی هەرێم لەگەڵ نوێنەرانی كورد لە بەغدا و كێشەكانی نێوان هەرێم و بەغدا.