راچڵەكین -

كەشناسی هەرێم پێشبینی دەكات شەپۆلێكی بەفرو بارانبارین ناوچەكانی هەرێمی كوردستان بگرێتەوەو لەهەندێ ناوچەش رێژەی بارانبارین زۆربێت.

ئەمشەو بەڕێوەبەرایەتی كەشناسی و بوومەلەرزەزانیی هەرێم بڵاویكرەوە، پێشبینی دەكرێ سبەی بەیانی ڕۆژی شەممە لەدوای نیوەڕۆوە ئاسمانی هەرێم بگۆڕێت بۆ هەوری تەواو لەگەڵ دەستپێكردنی نمەباران، كە سەرەتا لە ناوچەكانی كەركوك و گەرمیان و هەڵەبجە و سلێمانی دەستپێدەكات و پاشان هەموو ناوچەكانی هەرێم دەگرێتەوە، لەگەڵ بارینی بەفر لە ناوچە شاخاوییە سنوورییەكان.

كەشناسی پێشبینیشی كردووە رێژەی بارانبارین لە هەندێ لە ناوچەكانی گەرمیان، سلێمانی، راپەڕین، سۆران و دهۆك زیاتر بێت بەراورد لەگەڵ ناوچەكانی تری هەرێم، ئاماژەی بەوەشكردووە ئەم شەپۆلە كاریگەرییەكەی بە لاوازی بەردەوام دەبێت تا رۆژی یەكشەممە، بەتایبەت لە ناوچەكانی رۆژهەڵاتی هەرێم.