راچڵەکین-

لە بازاڕی زاخۆ چوار بازرگانی گەورەی مادەی هۆشبەر دەستگیرکران و هێزەئەمنییەکانیش گومانیان هەیە تۆڕێکی بەرفراوانی بازرگانی دیکەیان لەگەڵدابێت. 

ئەمڕۆ هەینی،سەرچاوەیەک لە ئاسایشی زاخۆ لەو بارەیەوە بە راچڵەکین-ی راگەیاند، ئەو بازرگانەی کە دەستگیرکراون، پێشتر خۆیان بەکارهێنەری مادەی هۆشبەربوون و لە ئێستادا بوونەتە بازرگان و چەندین چالاکی فرۆشتنی مادە هۆشبەرەکانیان ئەنجامداوە لەدەرەوەی شارەکە بۆیە گومان دەکەن تەنها خۆیان نەبن.

 

ئاماژەی بەوەش کرد، ئەوان وەک هێزە ئەمنییەکان گومانیان هەیە کەلەم قۆناغەدا تۆڕێکی بازرگانی گەورەتریان لەگەڵدابێت و بۆ ئەومەبەستەش لێکۆڵینەوەی ورد لە بارەی دۆخەکەوە دەکەن، لە ئێستاشدا لیکۆڵینەوەکانیان لەگەڵ ئەو چوار بازرگانەدا دەستپێکردووە.