راچڵەکین-
لە دوو مانگی رابردوودا بەشێک لە خانەنشینان و کەسوکاری شەهیدان و خاوەن پێداویستییە تایبەتەکان بەهۆی گرفتی ژمارەی کەسی  کە لە سیستمی بێ هاوتا 'UPN'ـدا مامەڵەکانیان تەواو نەکرابوو بەهۆیەوە مووچەیکانیان راگیرا، هاوکات لە ئێستادا گرفتەکانیان چارەسەر کراوە و بڕیاریشە ئەم مانگە مووچەی مانگەکانی 10 و11 بەسەر یەکەوە وەردەگرن.

دوای ئەوەی وەزارەتی دارایی سێ خاڵی لەبارەی گرفتی لیستی مووچەی مووچەخۆرانی هەرێمی بڵاوکردەوە و ئاماژەی بەوەکرد، هەر مووچە خۆرێک کارتی بایۆمەتری نەبێت و لە سیستمی یو پی ئێن دا نەبێت ئەوە مووچەکانیان رادەگیرێت،بەوهۆیەشەوە بەشێک لە کەسوکاری شەهیدان و خانەنشینان و خاوەن پێداویستییە تایبەتەکان کە کێشەی ژمارەی کەسیی بێ هاوتایان هەبوو و نەیانتوانی مووچەکانیان وەربگرن.

لەو بارەیەشەوە،سەرپەرشتیارێکی بنکەی تۆماری بایۆمەتریی هەولێر رایگەیاند،کێشەی بەشێکی زۆر لە خانەنشینان و شوێنگرەوەی شەهیدان و خاوەن پێداویستیانی تایبەت چارەسەرکراوە و ئەم مانگە مووچەی مانگەکانی 10 و 11 بەیەکەوە وەردەگرن.