راچڵەکین-

توێژینەوەیەکی ئەم دواییە دەریدەخات ئەو کەسانەی کە لە کاتی لێخوڕینی ئۆتۆمبێلدا نامە دەنێرن، نیشانەی تووشبوونیان بە کێشەیەکی دەروونی تایبەت هەیە.

لە ماڵپەڕی "لوبنان٢٤"دا هاتووە، بەپێی ئامارە نوێیەکان کە لە چاوپێکەوتن لەگەڵ نزیکەی هەزار شۆفێر لە ئەڵمانیا "نزیکەی ٧٣٪یان ژن بوون" بەدەست هاتووە، زیاتر لە ٦٠٠ بەشداربوو، یان نزیکەی ٦١٪، دانیان بەوەدا ناوە کە مۆبایلەکانیان بەکارهێناوە لەکاتی لێخوڕیندا، کە  ئەمەش ئاماژەیە بۆ دیاردەی "ئالوودەبوون بە ئینتەرنێت."

توێژەران بەکارهێنەرانی مۆبایلە زیرەکەکان بە "بەکارهێنانی کێشەدار" ناوزەد دەکەن و بە رەفتاری دژە کۆمەڵایەتی و ترس لە لەدەستدان و سێ گرێی دەروونی کە بە "سێی تاریک" ناسراون، بریتین لە نەرگسی، ماکیاڤێلیزم "فێڵبازی" و دەروونپیسی، توێژینەوە جیاوازەکان لەم دواییانەدا پەیوەندی ئەم سێ تایبەتمەندییەیان لەو شۆفێرانەدا دیاریکردووە کە بەمەبەست ئۆتۆمبێل بەشێوەیەکی پەرشوبڵاو لێدەخوڕن.

توێژەران ئاماژەیان بەوە کردووە بەکارهێنانی مۆبایلە زیرەکەکان لەو کاتەدا دەتوانرێت بە ئاسانی تایبەتمەندییە کەسییەکان پێناسە بکات، پێشنیاریان کرد کە کارکردن لەسەر ستراتیژییەکانی رێگریکردن بۆ ئەم کارە لە رێگەی یاساییەوە بە سزای توند و ئەنجامدانی هەڵسەنگاندنی پێشوەختەی پزیشکی و دەروونی بۆ شۆفێران لەکاتی فێربوونی شۆفێریدا.

 

هـ . یـ