راچڵەکین-

21-12-2024 ئاژانسی فیدراڵی بۆ گواستنەوەی ئاسمانی ڕووسیا ڕۆساڤیاتسیا لە پلاتفۆرمی تێلێگرام بڵاویکردەوە،گەشتەکانیان راگرتووە، ئەوەش دوای ئەوەدێت کە ئۆکراینا لەرێگەی فڕۆکەیەکی بێفڕۆکەوانەوە هێرشی کردە سەر شارەکە و زیانی بە چەند باڵەخانەیەکی نزیک لە فڕۆکەخانەکە گەیاندووە.

 

هەر لەو بارەیەوە ئاژانسە هەواڵی تاسی ڕووسیا بڵاویکردەوە، ئۆکراینا هێرشەکەی کردووەتە سەر کۆمەڵگەیەکی نیشتەجێبوون لە کازان، کە نزیکەی 800 کیلۆمەتر لە ڕۆژهەڵاتی مۆسکۆوە دوورە و لەدەرنجامی ئەوەشەوە بڕیاردراوە کە گەشتەکانی فرۆکەخانەی کازان رابگیرێت و رێکاری ئەمنی توون بگیرێتەبەر. 

 

لەلایەکی دیکەشەوە سوپای ئۆکراینا ڕایگەیاند، 20-12 سوپای ڕووسیا بە درۆن لە چەند بەرەیەکەوەی هێرشی کردووەتە سەر چەند ناوچەیەک بەڵام توانیویانە شکست بە هێرشەکان بهێنن سەرجەم هێرشەکان کە لەرێگای 57 درۆنەوە ئەنجامدرابوو بەتەواوی پووچەڵبکەنەوە.