راچڵەکین-

بەڕێوەبەرایەتی کەشناسی هەرێم کەشی پێشبینی کراوی 24 کاتژمێری داهاتووی بڵاوکردەوە و بەگوێرەی پێشبینییەکان، ئەو شەپۆلە بارانبارینەی کە هەرێمی کوردستانی گرتووەتەوە بەردەوامی دەبێت و پلەکانی گەرماش بەرزبوونەوە بەخۆیانەوە دەبینن.

 

بەڕێوەبەرایەتی کەشناسی و بوومەلەرزەزانیی هەرێم لەبارەی کەشی سبەی یەکشەممە رایگەیاند،ئاسمان ساماڵ و پەڵە هەور دەبێت, لەکاتەکانی ئێوارەدا دەگۆرێت بۆ هەوری تەواو ئەگەری بارینی نمە باران هەیە بە تایبەتی لە ناوچەکانی رۆژئاوا و باکوری رۆژئاوای هەرێم.

 

ئاماژە بەوەش کراوە،پلەکانی گەرما بەڕێژەیی 2-1 پلەی سیلیزی بە بەراورد بە تۆمارکراوەکانى ئەمڕۆ بەرزبوونەوە بەخۆیانەوە دەبینن.

 

بەرزترین پلەکانی گەرمای پێشبینیکراو بە پلەی سیلیزی :

هەولێر  14

سلێمانی  13

دهۆک  12

کەرکوک  15

هەڵەبجە  11

زاخۆ  14

حاجی ئۆمەران  4

سۆران  12

گەرمیان 17