راچڵەکین-

‎بریکاری وەزارەتی دارایی عێراق رایدەگەیەنێت، لە کۆبوونەوەی هاوبەشی وەزارەتی دارایی فیدراڵ و حکومەتی هەرێم، لەسەر راسپاردەی وەزیری دارایی فیدراڵ بریاردرا تیمێک لە وەزارەتی دارایی فیدراڵ سەردانی هەولێر بکەن و لە ماوەی 10 رۆژدا بە هاوبەشی کاری پێکەوەیی بکەن لەگەڵ بەرێوەبەرایەتی گشتی ژمێرکاری لە وەزارەتی دارایی هەرێم.

 

  ‎ئەمڕۆ شەممە 21-12-2024 ، رێباز حەملان، بریکاری وەزارەتی دارایی عێراق لە راگەیاندراوێکی رۆژنامەوانیدا ئاشکرای کردووە: “تەواوی ئەو رێکارانەی بۆ رێکخستنەوەی میزان مراجەعەی مانگانەی هەرێم لە سەرەتای ساڵی 2024 ەوە تا مانگی 11ی ئەمساڵ مانگ بە مانگ تەدقیق کرایەوە و رێکخستنی تەواوەتی بۆکراوە.

 

‎بریکارەکەی وەزارەتی دارایی باسی لەوەشکردووە، وەزارەتی دارایی فیدراڵ داوایکردبوو لەسەر لیستی موچە و خەرجی تەشغیلی و ئەو برە پارانەی کە لە بەغدادەوە بۆ هەرێم نێردراوە و تەواوی ئەو پارانەی لە هەرێم لەسەر داهاتی ناوخۆ سەرفکراوە بەتایبەت بۆ پرکردنەوەی موچەی مانگانە هەموی دیاری کراوە.

 

  ‎جەختی لەوەش کردووەتەوە کە، بریارە سبەی بەرێوەبەری گشتی ژمێرکاری وەزارەتی دارایی هەرێم و تیمی تەکنیکی وەزارەت بگەڕینەوە بەغداد بۆ بەدواداچوونی کارەکان، بە هەوڵی هەمووان بەرەو ئەوە دەرۆن  کە کێشە هونەرییەکانی پەیوەست بە مووچە کۆتایی پێ بێت