ڕاچڵەکین سپۆرت -
ڤیدیۆ کلیپێکی لوکا، کوڕی ڕیکاردۆ کاکای ئەفسانەی میلانۆی تەمەن ١٦ ساڵ، لە میانی مەشقەکانی تۆپی پێدا، لە تۆڕە کۆمەڵایەتییەکان بڵاوبووەوە. هاندەران نەیانتوانی خۆیان بپارێزن و تێبینی ئەوە نەکەن کە شێوازی یاریکردنی ئەو بەهرەمەندە گەنجە نزیکە و هاوشێوەی شێوازی یاریکردنی باوکیەتی.
لە پاسدان و یاریزان بڕین تا دەگاتە جوڵەی لە یاریگادا، کارەکانی لۆکا یادەوەرییەکانی نمایشە سەرسوڕهێنەرەکانی باوکی دەهێنێتەوە یاد، زۆرێک لە هەوادارانی کۆمێنتیان کردووە کە لوکا لە جەستەی ڕیکاردۆ دەچێت.
کاکا یەکێکە لە گەورەترین یاریزانەکانی تۆپی پێی نەوەی خۆی، لە ساڵی 2007 خەڵاتی تۆپی ئاڵتونی بەدەستهێنا، لە ماوەی یاریکردنی لەگەڵ میلان سەرکردایەتی تیپەکەی کرد بۆ سەرکەوتن لە خولی ئیتاڵیا و چامپیۆنزلیگ لە ساڵی 2007، هەروەها بەشێک بوو لە هەڵبژاردەی بەڕازیل کە مۆندیالی 2002ی بەدەستهێنا.
ڤیدیۆ: