ڕاچڵەکین سپۆرت -

 

یانەی ڕیال مەدریدی ئیسپانی دەیەوێت لە هاوینی ساڵی 2025 گرێبەست لەگەڵ یەکێک لە ئەستێرەکانی یانەی ئەیسی میلانی ئیتاڵی واژۆ بکات.

تۆڕی CaughtOffside ئاشکرایکردووە، بەرپرسانی مێرێنگێ پەیوەندیان بە تیۆ هێرناندێزی بەرگریکاری چەپی میلانۆوە کردووە، وەک ئامادەکارییەک بۆ گواستنەوەی.

ئاماژەی بەوەشکرد، تیۆ وەک پلانێکی بەدیل بۆ ئیدارەی یانەی شاهانە دەمێنێتەوە، لە ئەگەری گرێبەست نەکردن لەگەڵ ئەلفۆنسۆ دەیڤسی کەنەدی، بەرگریکاری چەپی بایرن میونشن.

گرێبەستەکەی دەیڤز لەگەڵ یانە باڤارییەکە لە کۆتایی ئەم وەرزەدا کۆتایی دێت، بەڵام دانوستانەکانی نێوان ئەو و بەرپرسانی ڕیال مەدرید تا ئاگادارکردنەوەی زیاتر وەستاون.

تۆڕە بەریتانییەکە ئاماژەی بەوەشکردووە، تیۆ هێرناندێز پێشتر یاری بۆ یانەی ڕیال مەدرید کردووە، ڕەنگە هاوینی داهاتوو میلان بەجێبهێڵێت.

تیۆ هێرناندێز لە هاوینی 2019 یانەی ڕیال مەدریدی بەجێهێشت و ڕووی لە میلانۆ کرد و تا ئێستاش یەکێکە لە ئەستێرەکانی یانەکە.