راچڵەكین - 

ماڵپەڕی شەفافییەت داهاتە نانەوتییەكانی یەك هەفتەی سنووری سلێمانی و هەڵەبجە و هەردوو ئیدارەی راپەڕین و گەرمیان بڵاوكردەوە بەگوێرەی ئامارەكەش، كۆی داهاتی ئەو هەفتەیە زیاتر لە چوار ملیارو 700 ملیۆن دینار بووە.

ئامارەكەی ماڵپەڕی شەفافییەت دەریخستووە، داهاتی نانەوتیی سنووری سلێمانی و هەڵەبجە و هەردوو ئیدارەی راپەڕین و گەرمیان لە 14-12-2024، تا 20-12-2024، بڕی 4 ملیارو 724 ملیۆن و 516 هەزارو 810 دینار بووە.

ماڵپەڕی شەفافییەت ئاشكرایكردووە، رێژەی 99%ی داهاتەكە بەشێوەی نەختینەو 1% بە شێوەی چەك بووە.