راچڵەكین-
شەپۆلێكی چڕی خۆڵبارین بەشێك لە ناوچەكانی عێراق دەگرێتەوە و لەهەندی َناوچەی شاری بەغداش مەودای بینین بۆ كەمترین ئاست دابەزیەوە.
ئێوارەی ئەمڕۆ شەممە شەپۆلێكی چڕی خۆڵبارین كە لە خاكی سوریاوە سەرچاوەی گرتووە، رووی لەناوچەكانی باكوورو رۆژئاوای عێراق كردو شارەكانی موسڵ و بەشێكی پارێزگای ئەنبارو بەغدای گرتەوە.
بەگوێرەی میدیاكانی عیراق، لەهەندێ ناوچەی شاری بەغدا بەهۆی چڕیی خۆڵبارینەكە، مەودای بینین بۆ كەمترین ئاست دابەزیوە.
پێشبینی دەكرێت شەپۆلی خۆڵبارینەكە ناوچەكانی خوارووی عێراقیش بگرێتەوە.