راچڵەكین - 

بوومەلەرزەیەك لەناوچەیەكی سنووری پارێزگای سەڵاحەدین روویداو لەناوچەكانی دەوروبەریش هەستی پێكرا. 

دەستەی كەشناسی و بوومەلەرزەزانیی سەر بە وەزارەتی گواستنەوەی عیراق بڵاویكردەوە، ئێوارەی ئەمڕۆ هەینی، بوومەلەرزەیەك بەگوری 3.7 پلە بەپێوەری رێختەر، لە سنووری پارێزگای سەڵاحەدین روویدا. 

چەقی بوومەلەرزەكە لەدووری 17 كم لە قەزای شەرگات بووەو لەناوچەكانی دەوروبەریش هەستی پێكراوە. 

تائێستا هیچ زانیارییەك لەبارەی زیانەكانی بوومەلەرزەكە بڵاونەكراوەتەوە.