راچڵەکین-

دوابەدوای فراوانبوونی ئاڵۆزییەکان و دەنگۆی پەلکێشبوونی جەنگی ناوخۆیی سوریا بۆ خاکی عێراق، هۆشداری بەرپرسانی عێراق لەو بارەیەوە جارێکی دیکە  نرخی دۆلار لە بازاڕەکانی هەرێم و  عێراق بەرزبوونەوەی بەخۆیەوە بینی.

 لە ئێستادا 100 دۆلار لە بازاڕەکانی هەرێم بە 150 هەزار 600 دینار مامەڵەی پێوەدەکرێت، لەبازاڕەکانی عێراق بە 150 هەزار و 800 دینار  مامەڵەی پێوەدەکرێت.

 هێڤیدار شعبان، شارەزایی دراو لە بازاڕی دراوەکان ئەوەی بۆ راچڵەکین ئاشکرا کرد، بەرزبوونەوەی ئەمڕۆی نرخی  دۆلار هۆکارەکەی دەگەڕێتەوە بۆ ترسی هاوڵاتیان بەرامبەر بە کەمبوونی دۆلار و ناسەقامگیری لە متمانەی بانکی عێراق لەگەڵ فراوانبوونی ئاڵۆزییەکانی ناوچەکە.

ئاماژەی بەوەش کرد، پێویستە هاوڵاتیان خۆیان بەدووربگرن لە مامەڵە هەواییەکان بەهۆی ناسەقامگیری ناوچەکە، بەهۆی ئەوە پێشهاتەکانی سووریا و عێراو چاوەڕواننەکراون. 

نرخی دراوە جیهانییەكان لە بازاڕەكانی ئاڵوگۆڕی دراو لە هەرێم بەم شێوەیەیە؛

100 یۆرۆ بە 157 هەزار و 600 دینارە

100 پاوەن بە 190 هەزار و 600 دینارە

 100 دۆلار بەرامبەر سێ هەزار و 432  لیرەی توركییە 

100 دۆلار بەرامبەر حەوت ملیۆن  و 300 هەزار تمەنی ئێرانییە

یەک ملیۆن لیرەی سووری بەرامبەرە بە 240 هەزار دینار