راچڵەكین -
سوپای ئیسرائیل هەڕەشەی هاتنەناو خاكی سووریا دەكات و داواش لە دانیشتووانی چەند ناوچەیەكی باشووری ئەو وڵاتە دەكات لەپێناو سەلامەتی گیانیان، لەماڵەكانیان بمێننەوەو نەچنە دەرەوە.
سوپای ئیسرائیل لە پەیامێكدا كە ئەمڕۆ یەكشەممە بڵاویكردووەتەوە، رایگەیاندووە بەهۆی هەڵگیرسانی شەڕو و بوونی هێزی چەكدار لە سنووری چەند گوندو شارۆچكەیەكی باشووری سووریا، ناچارن هێزەكانیان پێشڕەویی بەرەو ئەو ناوچانە بكەن لەپێناو پاراستنی سنوورەكانی ئیسرائیل و رێگری لە نزیكبوونەوەی هێزە چەكدارەكان.
سوپای ئیسرائیل داواشی لە دانیشتووانی ئەو گوندو شارۆچكانەی باشووری سووریا كردووە، لەپێناو سەلامەتی خۆیان، لە ماڵەكانیان بمێننەوەو نەچنە دەرەوە.
پەیامەكەی سوپای ئیسرائیل لەكاتێكدایە ئەمڕۆ چەند هێرشێكی ئاسمانیی كردە سەر شاری دیمەشق-ی پایتەختی سووریاو چەندین پێگەی سەربازیی بۆردومان كرد.