ڕاچڵەکین سپۆرت -

 

هاری کەین هێرشبەری هەڵبژاردەی ئینگلتەرا داوای لە خولی نایابی ئینگلیزی کرد پشووی زستانە بخاتە بواری جێبەجێکردنەوە، دوای ئەوەی پشووی زستانە لەم وەرزەدا هەڵوەشایەوە، سەرەڕای ئەوەی پشووی دوو هەفتەیی لە ساڵنامەی تۆپی پێی ئینگلتەرادا جێگیرکرا.

وەرزی ڕابردوو تیپەکان پشوویەکی پچڕپچڕیان بۆ ماوەی دوو هەفتە لە پاڵەوانێتییەکانی خولی نایابی ئینگلیزی وەرگرت، بەڵام بەبێ ئەوەی یارییەکان بە تەواوی بوەستێن.

هاری کەین کە لە وەرزی دووەمی لەگەڵ بایرن میونشندایە، لە مانگی داهاتوودا سوود لە پشووی زستانە لە خولی ئەڵمانی وەردەگرێت، چونکە خولەکە لە نێوان 23ی کانوونی دووەم بۆ 10ی 1 دەوەستێت، کاپتنی ئینگلتەراش پێی وایە پێویستە خولی نایابی ئینگلیزی پێچەوانە بێتەوە بڕیارەکەی خۆی هەڵبوەشێنێتەوە.

ئەمە وتارەکەی هاری کەین بوو پێش ئەوەی لە خولی نەتەوەکانی ئەوروپا ڕووبەڕووی کۆماری ئێرلەندا ببێتەوە، کە تێیدا وتی: “زۆر باش دەبێت بۆ ئەوان پشووی زستانەیان هەبێت، پێشتر دووجار هەمان بوو بەڕاستی بۆ یاریزانەکان باش بوو”.

کاپتنی ئینگلتەرا لە درێژەی قسەکانیدا وتی: زۆر باس لە خشتەی یارییەکان و خشتەی سەخت کرا لە یەکەم ئەزموونی ڕاستەقینەم لە زستانی پێشوو لە ئەڵمانیا ، بەڕاستی ئەو پشووە درێژەی ئەڵمانیا زۆر یارمەتی دام کە وەرزێکی باش بەڕێبکەم.

لە کۆتاییدا وتی: گفتوگۆ هەیە کە پێویستە لە پشت پەردەوە ئەنجام بدرێت، ڕەنگە لەگەڵ هەندێک لە یاریزانە بەئەزموونەکان لەم دۆخەدا بەدڵنیاییەوە پێویستە شتێک بگۆڕدرێت بۆ سوودی یاریزانەکان.