راچڵەكین -

وەزارەتی تەندروستی لوبنان نوێترین ئاماری لەبارەی ژمارەی قوربانیانی هێرش و بۆردومانەكانی ئیسرائیل بڵاوكردەوەو بەپیچی ئامارەكەش، كۆی ژمارەی كوژراوو برینداران بۆ زیاتر لە 18 هەزارو 110 كەس بەرزبووەوە.

وەزارەتەكە لە راگەیەندراوێكدا كە ئەمڕۆ شەممە بڵاویكردەوە، ئاشكرایكردووە لەئەنجامی بۆردومانەكانی شەوی رابردووی سوپای ئیسرائیل، كە چەند ناوچەیەكی باشوورو رۆژهەڵاتی لوبنانی كردە ئامانج، 9 هاووڵاتی كوژران و 67 كەسی دیكەش بریندار بوون.

ئامارەكەی وەزارەتی تەدرسوتی لوبنان دەریخستووە، كۆی ژمارەی قوربانیانی هێرش و بۆردومانەكانی سوپای ئیسرائیل بۆسەر ناوچەكانی باشوورو رۆژهەڵاتی ئەو وڵاتە، كە لەرۆژی 8ی ئۆكتۆبەری ساڵی پارەوە تائێستا بەردەوامە، گەیشتە سێ هەزارو 452 كوژراو، ژمارەی بریندارانیش بۆ 14 هەزارو 664 كەس بەرزبووەوە.