راچڵەکین- 

نوسینگەی سەرۆک وەزیرانی عێراق بڵاویکردەوە: ئەمڕۆ دووشەممە، محەمەد شیاع سودانی سەرۆک وەزیرانی عێراق لەمیانەی بەشداریکردنی لە لوتکەی وڵاتانی عەرەبی و ئیسلامی، لەگەڵ بەشار ئەسەد سەرۆکی سوریا کۆبووەوە.

ئاماژەی بەوەشکرد: لە کۆبوونەوەکەدا دەستدرێژییەکانی ئیسرائیل بۆ سەر غەززە و لوبنان، پەیوەندییە دوو قۆڵییەکانی نێوان هەردوو وڵات و پەرەدان بە پەیوەندییە هاوبەشەکان تاوتوێکران.

باسی لەوەشکرد: هاوکات هەردوو سەرۆکەکە جەختیان لەسەر پێویستی و هەماهەنگی و هاتنەکایەی بڕیاری یەکلاییکەرەوە کردەوە بۆ راگرتنی دەستدرێژییەکانی ئیسرائیل لە غەززە و لوبنان.