راچلەکین- 

ئەنجومەنی ئاسایشی نیشتمانی عێراق بڵاویکردەوە: قاسم ئەعرەجی راوێژکاری ئاسایشی نیشتمانی عێراق لەگەڵ مەجید قەلیپور راوێژکاری سەرپازی سوپای ئێران کۆبووەوە.

ئاماژەی بەوەشکرد: لە کۆبوونەوەکەدا هەردوولا باسیان لە رێگاکانی بەهێزکردنی ئاسایش و سەقامگیری هەردوو وڵاتەکە کرد و لەگەڵ کۆنتڕۆڵکردنی سنوورەکانی نێوانیان، هەروەها بەرەنگاربوونەوەی تیرۆر و قاچاخچێتی.

باسی لەوەشکرد: لە کۆبوونەوەکەدا قاسم ئەعرەجی جەختی لە هەڵوێستی عێراق کردەوە کە بە توندی دژی ئەوەیە ئاسمانی وڵاتەکەی بۆ هێرشکردنە سەر وڵاتانی دیکە بەکاربهێنرێت.