ڕاچڵەکین سپۆرت -

 

ئەلڤارۆ مۆراتای ئیسپانی، هێرشبەری ئێستای میلان، ستایشی توانا ناوازەکانی لامین یامال، ئەستێرەی ئیسپانی یانەی بەرشەلۆنەی کرد و ئاماژەی بەوەدا کە یاریزانێکی وەک ئەوی نەبینیوە.

لامین یامال تەمەن 17 ساڵ، لە ماوەیەکی کورتدا بووە یەکێک لە گرنگترین یاریزانەکانی بەرشەلۆنە و هەڵبژاردەی ئیسپانیا، ئەمەش وایکرد لارۆخا دوایین جامی نەتەوەکانی ئەوروپا بباتەوە.

هەروەها لەم وەرزەدا لەگەڵ تیپەکەی بەرشەلۆنە ئاستێکی نایابی پێشکەش دەکات و لە 15 یاریدا شەش گۆڵی تۆمارکردووە و 8 گۆڵی دیکەشی دروست کردووە.

مۆراتا قسەی لەگەڵ “The Athletic” کرد و وتی، “ڕاستگۆیانە، من هەرگیز شتێکی لەو جۆرەم نەبینیوە. یاریزانێکی وەک ئەوم نەبینیوە.

ئاماژەی بەوەشکرد، یەک مەشق و ڕاهێنان بەس بوو بۆ ئەوەی بزانم ئەو جیاوازە، کە یەکێکە لە دیاردەکان. "ئەو سەرسوڕهێنەرە."