راچڵەكین -
كۆماری ئیسلامیی ئێران دەستگیركردنی گروپێكی تیرۆریستی سەر بە ئیسرائیل رادەگەیەنێت، كە پیلانیان داڕشتبوو چەند كردەوەیەكی تیرۆرو تێكدەرانە لەناو خاكی وڵاتەكەیان ئەنجام بدەن.
ئاژانسی هەواڵی میهر-ی ئێرانی بڵاویكردەوە، هێزەكانی ئەو وڵاتە ژمارەیەك تیرۆیستیان دەستگیركردووە كە بەشێوەی گروپ هاتبوونە ناو خاكی ئێران و پیلانیان داڕشتبوو، كردەوەی تیرۆریستی لەچەند شارێك ئەنجام بدەن و ئاسایشی وڵات تێكبدەن.
وەك لە هەواڵەكەدا هاتووە، ئەو گروپە تیرۆریستییە كە لەلایەن ئیسرائیلەوە هاوكاری كرابوون، گەیشتبوونە پارێزگای ئازەربایجانی رۆژئاوا، بەنیازبوون چەند گروپێكی دیكەی تێكدەر پێكبهێنن، بەڵام بەر لە جێبەجێكردنی پیلانەكانیان، هێزە ئەمنییەكان بۆسەیان بۆ دانان و لەكاتی رووبەڕووبونەوەدا، یەكێك لە ئەندامانی گروپەكە كوژراو دوانی دیكەش دەستگیركران، هاوكات دەستیش بەسەر چەندین پارچە چەكدا گیرا.