ڕاچڵەکین سپۆرت -

 

لامین یامال، ئەستێرەی ئیسپانی یانەی بەرشەلۆنە ڕایگەیاند، هیوادارە لە زووترین کاتدا خەڵاتی باڵۆن دۆر بەدەستبهێنێت، دوای ئەوەی خەڵاتی باشترین یاریزانی لاوی پێدرا.

لە مەراسیمی تۆپی زێڕین کە ئێوارەی دوێنێ دووشەممە بەڕێوەچوو، لامین یامالی تەمەن 17 ساڵ سەرکەوتوو بوو لە بەدەستهێنانی خەڵاتی باشترین یاریزانی لاو لە جیهاندا.

لامین یامال لە وەرزی ڕابردووەوە ئاستێکی ناوازەی لەگەڵ یانەی بەرشەلۆنە پێشکەش کردووە، هەروەها سەرکردایەتی هەڵبژاردەی ئیسپانیای کردووە بۆ بردنەوەی جامی نەتەوەکانی ئەوروپا.

لامین یامال وتی، هیوادارم بە زووترین کات خەڵاتی باڵۆن دۆر بەدەستبهێنم.

ئاماژەی بەوەشکرد، ئەمە ئەوەیە کە لە مێشکمدایە. - هەموو هەوڵێک دەدەم بۆ ئەوەی بەدەستی بهێنم.

شایەنی باسە لامین یامال لەم وەرزەدا تا ئێستا لە 14 یاریدا لەگەڵ بەرشەلۆنە بەشداری کردووە، و سەرکەوتوو بووە لە تۆمارکردنی 6 گۆڵ و 7 ئەسیست، هەروەها گرێبەستەکەی لەگەڵ بەرشەلۆنە لە هاوینی 2026 کۆتایی دێت.